U pušku skulu ličina san bija uči san malo tek da bi proša, moga san boje – ali nisan tija; jer duja nije ocjena loša.
Cvitnega maja – uvik ga se sićan doša je čovik ča jubav budi, odličneg đaka dopala je srića da ga za našu skulu pojubi.
Tega san dana puno izgubi i znan da uvik žaj mi biće, ča ga bar botu nisan pojubi stiska mu ruku, da mu cviće.
Fudra san libre, šesno se obuka, maramu stavi i ubra cviće, srce mu šava svojin malin rukan, na prste diza, smantan od sriće.
A da za pustu zna je žeju moju ča još i danas u meni ludi, sigur san da bi pružija mi ruku da me zagrli, da me pojubi.
I znan da uvik žaj mi biće....
|
|