Kažu da smo siromaji
to slika je moga škoja
bez koluri, bez okvira
svuda samo sivo
i svuda samo modro
a kućica jedna
pala je uz more
tu živimo nas dvoje
sa sedmero dice
i tri koze
Već se cilin škojem priča
da nimamo bome ništa
Svi nas zovu siromaji
ča imaju, od šta žive
Dvi-tri loze, malo vina,
cvit masline, zero uja
dvi tri koze, bokun sira
to nama je drago blago
ča imamo
O more, ča nježno miluješ žal
ti beskrajno si dobro naše
i radost nam svaki tvoj nosi val
kad u zoru se vrate brodice
Kažu da smo siromaji
al' čakule to su samo
naše ruke vole radit
i živimo zato sritno
To slika je moga škoja
uvik srcu puno draga
rojena sam ode
a ode ću i umrit
i ne more ništa
lipše bit na svitu
od ovog malog škoja
ča bidan se naša
nasrid mora
O more, ča nježno miluješ žal
ti beskrajno si dobro naše
i radost nam svaki tvoj nosi val
kad u zoru se vrate brodice
Kažu da smo siromaji
al' čakule to su samo
naše ruke vole radit
i živimo zato sritno
Kažu da smo siromaji
Čakule, da to su čakule
|
|
članova
Ukupno članova: 185692
Statistika
Prisutni korisnici
